Methodologia historico-iuridica

Descrizione

Methodologia historico-iuridica agit de normis in iuris exegetica, historica et philosophica inquisitione servandis necnon conclusionibus synthetica compositione praesentandis. Ex titulo De methodologia historico–iuridica sequitur elementum historico-iuridicum praevalere, non quidem exclusive, nam investigatio historica necessario recurrit ad legum rationes et normas exegeticae interpretationis. In facto historico iurisperitus quaerit elementum iuridicum, quod evolutionem alicuius instituti, organizationem Ecclesiae vel Status cognoscere iuvat. Non factum historicum uti tale, sed facti historici res iuridica.

Obiectum methodologiae iuridicae sunt normae, regulae generales, quae formationem scientificam in genere respiciunt et normae peculiares quae modum procedendi in determinata inquisitione scientifica necnon eius expositione scripta exhibent unacum mediis quae investigationem iuvant et faciliorem reddunt. In nostra redactione methodologiae illa quae omnibus scientiis communia sunt scientiae iuridicae applicare, propria (sive specialia, sive specialissima) quanto clarius explicare conati sumus.