S. Francesco e la Chiesa: studi e testi pubblicati nell’ottavo centenario della nascita di Francesco d’Assisi (1182-1982)

Descrizione

Anno evolvente octiens centenario, quo natus est Franciscus Assisiensis, consentaneum Directioni Periodici Antonianum visum est, ut praesens Volumen Patris Francisci vitae operique altius perlustrandis dedicaretur.

In prima Parte agitur de ipsius Francisci erga Ecclesiam habitudine, tum prout eruitur ex suis scriptis in genere (Matura), tum prout in Verbo Dei apud Scripturam (Conti) vel in Spiritu Ecclesiae vitam conformante (Del Zotto), recipiendo, in specie manifestatur; praetera, prout in obedientia Ecclesiae hierarchicae praestanda (Boni), vel respectu praecedentis vitae monastico-religiosae (García y García), vel in Francisci methodo apostolica (Teixeira) ac paedagogica (Mercatali) elucet; aut denique prout apparet in quadam repraesentatione pictorica medioaevali (Recio Veganzones).

In secunda vero Parte colliguntur lucubrationes et textus, quibus sensus Ecclesiae panditur sub tribus aspectibus in evolutione Ordinis, scilicet, in potestate regiminis exercenda (Boni), in studio theologico colendo (Conti) ac tandem in franciscali Regula interpretanda (Vázquez Janeiro).

In tertia denique Parte, quae miscellanea est, duo adiunguntur articuli, quorum prior de Cruce et natura penes s. Franciscum (Gagnan), alter vero de sermonibus in eiusdem laudem agit (Bougerol).