Gerhohi Praepositi Reichergbergensis Opera Inedita, II, Expositionis Psalmorum Pars Tertia et Pars Nona, Tomus Secundus, Partis tertiae sectio secunda et Pars nona

Descrizione

Primo volumine operum ineditorum Gerhohi Reichersbergensis anno elapso iam publici iuris facto, nunc alterum lectoribus offerre libeat. Hoc non ut illud tractatus ac libellos celebris praepositi exhibet sed eiusdem Expositionis psalmorum partem tertiam ac partem nonam.

Cum Expositionis psalmorum reliquiae, infra edendae, latius pateant quam quae unico ac singulari volumine continerentur, eas duplici tomo proderemus oportuit. Horum primus tertiam partem usque ad exitum commentarii psalmi 34 emittit, alter cetera eiusdem necnon integram partem nonam. Haec tamen divisio non ex re sed ex necessitate ac commodo orta est; quare paginis utriusque tomi unam seriem numerorum ascribendam duximus, ab initio prioris ad finem alterius continuo decurrentem.